Келес ауданындағы №13 колледж ұжымы Мақтаарал ауданында орын алған төтенше жағдайға байланысты эвакуацияланған тұрғындарға азық-түлік пен керек жарақтарын алып келді.
Жалпы 300 мыңнан астам қаражатқа гигиеналық заттармен қоса, қол жуғыш зат (умывальник), антисептик, азық-түлік және жамылғыш заттар алып келінді. Қиын сәтте көмекке асыққан колледж директоры Жақсылық Қозыбаев: «Көршіміздің басына күн туғанда қарап жаталмадық. Қолдан келер көмекті жасадық, қажеттілік туындаса қызметке дайынбыз» -деді.
