Келес ауданындағы Бозай ауылының тұрғындары 1 млн теңгеден астам қаражатты ел болып жинап, Мақтаарал ауданындағы эвакуацияланған азаматтарға азық-түлік, бірінші кезекте қажет заттар, киім-кешек, жатын заттар сынды материалдық көмек алып келді. Алып келінген заттар Келес ауданы жауапты етіп бекітілген Атакент кентіндегі №42 Тоқжігітов, №44 Ә. Науаи және Фирдауси елді мекенінің тұрғындары жайғасқан орталық мешітке үлестіріліп берілді.
Бозайға қарасты 3 елді мекеннің ақсақалдары бас болып, қаржы жинап көршілес ауданның халқына көмек ұйымдастырып, қасиетті айда сауап жасаған ағайындарға алғыс айтамыз.
