Келес ауданында биыл «Ауыл ел бесігі» бағдарламасы аясында 16 көше ұзындығы 23 шақырым жөндеуден өтеді. Оның 12-сі Ақтөбе ауылдық округінде. Жөндеу жұмыстарымен қатар, абаттандыру, көгалдандыру жұмыстары қатар жүреді.
Бүгін Келес ауданының әкімі Ақментай Есбаев Ақтөбе ауылдық округінде басталған жол жөндеу жұмыстарының барысымен танысты. Құрылысты жүргізіп жатқан «QazaqStroyZhol» ЖШС кестеге сәйкес, ағымдағы жылдың маусым айында құрылысты бастап, тамыз айының соңына аяқтауды жоспарлаған. Қазіргі таңда құрылыс басында 60 жұмысшы, ауылдың Абай, Керемет, Жамбыл көшелеріндегі суағар орнын қазу, жарықшамдардың бағаналарын қою сонымен қатар, жолдың негіздемесін дайындау жұмыстарын бастап кетті.
Аудан әкімі Ақментай Есбаев құрылыс барысын көзден кешіру сәтінде мердігер мекеме өкілдеріне бірқатар сын ескертпелер мен талаптарды айтты. Ең алдымен істелініп жатқан жұмыстың сапасы мен тиянақтылықпен істелуін, яғни істелген көшелерді тазалап, суағар, жарықшамдардың бағаналарын бірретпен тегіс орналасуын қадағалануын айтып өтті. Сондай-ақ жұмысшылар мен техника санын көбейтуді тапсырды.
