Қазақстанда құқықбұзушылық азайған, – деп хабарлайды AzatMedia.kz.
Полиция генерал-лейтенанты Ерлан Тұрғымбаев халық алдындағы есебінде еліміздегі полицейлердің сіңірген еңбегі орасан екенін айтты.
Атап айтсақ, жыл басынан бері республика бойынша қылмыс саны 38% -ға қысқарып, денсаулыққа ауыр зиян келтіру, қарақшылық – 56%, тонау – 53%, ұрлық – 50%, бұзақылық – 45%-ға төмендепті. Кәмелетке толмағандар (-27%), бұрын сотталған (-33%), мас күйінде (-16%), сондай-ақ көшелерде (-39%) және басқа да қоғамдық орындардағы (-38%) құқық бұзушылықтар азайған. Қылмыстардың ашылуы жақсарған.
Әлеуметтің пікірінше, қазіргі таңдағы осы жетістіктерге қол жеткізуге Министрдің білікті басшы ретіндегі нақты талап қоя білуі, аймақтардағы қатаң сынақтан өткен Полиция департаментінің басшыларының жұмысы септігін тигізуде. Оған Шымкент қаласы ПД бастығы, полиция генерал-майоры Ералы Жумаханбетовтың атқарып жатқан жұмысы да дәлел. Бүгінде үшінші мегаполистегі қауіпсіздікке ерекше көңіл бөлінуде.
