AzatMedia.kz. Қасиетті жұма күні Шымкент қалалық «Birgemiz: Taza alem» жалпыұлттық жобасы «Жұмадағы жақсылық» атты тазалық іс-шарасын ұйымдастырды.
Тазалық шарасына Шымкент қаласының Жастар ресурстық орталығы мен еріктілері атсалысты. Игілікті бастама барысында Шымкент қаласының бас имамы Бақдәулет қажы Нұрматұлы барлық ерікті топ мүшелеріне ризалық білдіріп, алғыс айтты.
Айта кету керек, Игі бастама қаладағы барлық мешіттерде төтенше жағдай талаптарына сәйкес өткізіліп, тазалық шаралары жүргізілді. Тиісінше, мешіттердің іші-сыртын дезинфекцияланып залалсыздандырылды.
Іс-шара соңында Елордамыз Нұр-Сұлтан қаласына “Жұмадағы жақсылық” эстафетасы жолданды.
