AzatMedia. ҚР Президентінің тапсырмасы аясында төтенше жағдайға байланысты 2 ай мерзімге коммуналдық төлем үшін дербес шоттарға 15 мың теңге жәрдемақы төлемдері жүріп жатыр. Түркістан облысы тұрғындары Telegram әлеуметтік желісіндегі «Smart Turkіstan Bot» немесе call-орталық арқылы өтінім жолдап жатыр.
Әр аудан, қалаларда жеке call-орталықтар жедел қызмет көрсетуде. Бүгінгі таңда, жалпы тұрғындардан түскен өтінімдер саны – 154 028, оның ішінде 107 496 өтініш мақұлданған. Қаралып жатқаны – 42 583 өтінім. Кері қайтарылғаны – 3 919. Қазіргі таңда тұрғындардың дербес шоттарына – 701 491 584 қаржы аударылған.
Өтінімдердің кері қайтарылу себебі, бір отбасыдан 2 адамнан көп өтінім жолдаған және тұрғылықты мекен-жайын дұрыс таңдамаған, сондай-ақ дербес шоттарын дұрыс ұсынбаған өтінімдер кері қайтарылған.
Тұтынылған коммуналдық қызметтерге: газ, электр энергиясы, жылу, ауыз су және кәріз жүйелерінің қызметі үшін тұрғындардан түскен өтінімдер бойынша өтемақы толық төленді. Төтенше жағдай кезеңінде коммуналдық қызметтерді жеткізушілердің шығындарын өтеу туралы ҚР Индустрия және инфрақұрылымдық даму министрлігі бекіткен бұйрығына сәйкес, өтінімдерді қабылдау маусым айының 25-не дейін жалғасады.
Өтеу келесі санаттағы азаматтардың немесе олармен бірге тұратын отбасы мүшелерінің атында коммуналдық қызметтер бойынша дербес шоттары болған жағдайда берілетін болады.
1) І, ІІ және ІІІ топтағы мүгедектер; 2)Ұлы Отан соғысының мүгедектері мен қатысушылары және осыларға теңестірілген адамдар; 3)Мүгедек балаларды тәрбиелеушi отбасылар; 4)Көпбалалы отбасылар; 5)ең төмен және аз зейнетақы алатын зейнеткерлер; 6)Мемлекеттiк немесе қоғамдық мiндеттерiн, әскери қызметiн орындау кезiнде, ғарыш кеңістігіне ұшуды дайындау немесе жүзеге асыру кезінде, адам өмiрiн құтқару кезiнде, құқық тәртiбiн қорғау кезiнде қаза тапқан адамдардың отбасылары;
7)атаулы әлеуметтік көмек алатын азаматтар, оның ішінде жалғыз басты зейнеткерлер.
Түркістан облысының Өңірлік коммуникациялар қызметі
