Келес ауданына қарасты 12 ауылдық округте құрылған мобильді топтар, аудандық полиция бөлімі қызметкерлерімен бірлесіп халық көп шоғырланатын орындарда мониторинг жұмыстарын атқаруда. COVID-19 инфекциясының алдын алу және таралуына жол бермеу мақсатында әсіресе ірі сауда орындары, базарлар мен азық-түлік дүкендерінде санитариялық талаптардың қатаң орындалуын қадағалап, залалсыздандыру жұмыстарын жүргізуі ескертілді.
Мобильдік топ осы шара аясында карантин талаптарын қатаң сақтау жөнінде коммерциялық құрылымдарға тиісті ескерту берді. Режимді бұзған коммерциялық нысандарға хаттама толтырылды.
