Адамзаттың басына түсіп отырған осынау індетпен күресіп жатқанымызға міне, төрт айдың жүзі болды.
Елімізде COVID-19 анықталған алғашқы күннен бері эпидемиолог, инфекционист мамандарымыздан бастап қатардағы дәрігерлер, медбикелер, кіші медициналық персонал, санитар-дәрігерлер аяғынан тік тұрып қызмет етуде. Аты жаман дертпен алдыңғы шепте күресіп жүрген ақ халатты абзал жандардың ерлігін жоққа шығаруға әсте болмайды.
Дәрігерлеріміз өз еңбектерін жан аямастан жұртының амандығына жұмсап, халқының шексіз алғысына бөленуде. Өз атымнан және қаладағы барша ардагерлердің атынан дәрігерлер қауымын кәсіби мерекесі – Медицина қызметкерлері күнімен шын жүректен құттықтаймын!
Алдарыңызға қиналып келген науқасты жүрек жылуларыңызбен қарсы алып, әртүрлі жағдайларда да адамның өміріне араша түсіп, барлық тәжірибелеріңіз бен білімдеріңізді ұлт денсаулығын жақсарту жолында қызмет етіп келесіздер.
Ең қадірлі де керекті кәсіп иелеріне, зор денсаулық, отбасында береке-бірлік, бақыт тілеймін.
Бүгінгі медицина қызметкерлерінің Төл мерекесінің шынайы көркіне айналып отырған денсаулық сақтау саласы ардагерлеріне де айрықша ризашылығымды білдіремін. Ақ халатты абзал жандардың баршасына мерекелерімен шын жүректен құттықтаймын!
Исамудин Рысбай,
Шымкент қалалық ардагерлер кеңесінің төрағасы
