AzatMedia. Бүгін Түлкібас әкімдігінің үлкен мәжіліс залында «Түркістан облысында ҮЕҰ-ды дамыту» жобасы аясында кездесу өтті.
Жиынға «Түркістан облысының Азаматтық Альянсы» заңды тұлғалардың қауымдастық нысанындағы бірлестігінің төрағасы Жамалбек Шәріпбек Жамалбекұлы, «Береке» қоғамдық бірлестігінің жоба координаторы Андабаева Гүлсім Бахытбекқызы және аудандағы Үкіметтік емес ұйым төрағалары мен мүшелері қатысты.
Жиынды аудан әкімінің орынбасары Ахметов Бауыржан Қуандықұлы ашып, жүргізіп отырды.
Арнайы семинарға келген қонақтар Үкіметтік емес ұйымдардың жұмысын жандандыру және дамыту мақсатында аудан аумағында мемлекеттік тапсырыс шеңберінде халықаралық ұйымдардың арнайы гранттары арқылы маңызды жобаларды жүзеге асыруға мол мүмкіндіктер бар екендігін жете түсіндіріп айтты.
Сондай-ақ, үкіметтік емес ұйымдардың мәртебесін арттыру мен жұмыстарын жандандыру жөнінде түрлі пікірлер айтылды.
Жиынды қорытындылаған аудан әкімінің орынбасары Б.Ахметов Түлкібас өңіріне арнайы келген облыстық топқа рақмет айтып, алдағы уақытта игі бастамаларына табыс тіледі.
