AzatMedia. Бүгін аудан әкімі Н.Байғұттың төрағалығымен өткен кезекті аппараттық мәжілісте барлығы 4 мәселе қаралды.
Мәжіліске аудан әкімінің орынбасарлары, аудан әкімі аппаратының бөлімше басшылары мен қызметкерлері және дербес бөлім басшылары қатысты. Ал, ауылдық округ, кент әкімдері ВКС(онлайн) режимінде қатысып отырды.
Бірінші мәселе бойынша аудан әкімінің орынбасары Е.Күзембаев өзі жетекшілік ететін саласы және Түркістан қаласындағы 14 – сектор бойынша атқарылған және алда атқаратын жұмыстарының барысы туралы баяндама жасап, жұмысты жандандыру мақсатында ұсыныстарымен бөлісті.
Екінші мәселе бойынша аудандық экономика және қаржы бөлімінің басшысы Т.Есенбаева бюджеттің 5 айға игерілуі және 6 айға болжамды орындалуы туралы мәлімдеме жасап, индикаторлық көрсеткіштерді қамтып өтті.
Күн тәртібіндегі келесі мәселе бойынша аудандық ТҮКШЖК және АЖ бөлімі басшысының м.у.а Е.Бұхарбаев және аудандық құрылыс, сәулет және қала құрылысы бөлімінің басшысы Б.Сыздықбаев «Жұмыспен қамтудың жол картасы» мемлекеттік бағдарламасы мен «Ауыл – Ел бесігі» бағдарламасы аясында іске асырылып жатқан жобалары мен ауданда атқарылып жатқан құрылыс жұмыстарының барысы туралы кеңінен баяндады.
Мәжіліс соңында аудан аумағында коронавирус індетін алдын алу мен таралуына жол бермеу және қауіпсіздік шаралары бойынша мобильді топтың атқарған жұмыстары талқыланып, пысықталды.
Бүгінгі таңда аудан әкімдігі жанынан коронавирус індетін алдын алу мақсатында құрылған жұмысшы топ аудан аумағындағы сауда орталықтары мен қоғамдық орындар және құрылыс нысандарында бекітілген кестеге сәйкес түсіндіру жұмыстарын жүргізуде. Аудан әкімі Нұрлан Мархабатұлының тапсырмасына сәйкес, 15 ауылдық округ, кенттерге үш аудан әкімінің орынбасары жауапты ретінде бекітілген.
Мәжілісті қорытындылаған аудан басшысы, күн тәртібіндегі мәселелер бойынша тиісті дербес бөлімдердің жұмысындағы кемшілік тұстарын айтып, жұмысты жүйелендіру бойынша тиісті тапсырмалар берді. Сондай ақ, аудан аумағында коронавирус індетін алдын алу мен таралуына жол бермеу мақсатында түсіндіру жұмысы мен сақтық шаралары күшейтілу қажет екенін айтып, құрылыс нысандары мен қатар басқа да жұмысшылар көп шоғырланатын обьектілерде санитарлық талаптардың қатаң бақылауда болуын тапсырды.
