Түлкібас ауданында кәмелеттік жасқа толмағандарға қатысты 2020 жылдың өткен мерзімінде – 48 жазатайым оқиғалар, оның ішінде 5 жол көлік оқиғасы, 5 абайсызда дәрі ішіп қою және 5 отқа не ыстық суға күйдріп алу мен 1 суға ағып кету және 25 ит тістеп алу оқиғалары орын алған. Оның ішінде 2 оқиғаның қайғылы жағдаймен аяқталуы алаңдаушылық туғызуда.
Құрметті ата-аналар, балалардың бір сәт қараусыз қалыуы салдарынан орыны толмас зардапқа соқтыру жағдайлары да орын алуда. ҚР-ның «Неке және отбасы» туралы Заңының 67-бабына сай балалардың құқықтары мен мүдделері мемлекеттік маңызды және прокурорлық қадағалаудың басым бағыттарының бірі болып табылады. Өз кезегінде ҚР ӘҚБтК-нің 127-бабында, «Ата-ананың немесе басқа да заңды өкiлдердiң балалардың мүдделерін қорғау жөнiндегi мiндеттерiн орындамауына» әкімшілік, ал ҚР-ның ҚК-нің 114 бабы (абайсызда денсаулыққа зиян келтіру), 119 бабы (қауіпті жағдайда қалдыру) 140 бабы (баланы қарау міндеттерін орындамау) – қылмыстық жауапкершіліктер көзделген. Осыған орай балалардың өмірі мен денсаулығына жауаптылықпен қарауға, оларды қараусыз қалдырмауға және өмірлеріне қауіпті жағдайлар туғызудың алдын-алуға шақырамыз.
Түлкібас ауданының прокуратурасы.
