Қазіргі заманғы жоғары білім беру жүйесінде оқытушының кәсіби құзыреттілігі мен педагогикалық шеберлігі сапалы білім берудің негізгі көрсеткіштерінің бірі болып табылады. Осы орайда Өзбекәлі Жәнібеков атындағы Оңтүстік Қазақстан педагогикалық университетінде оқытушылардың кәсіби біліктілігін арттыруға арналған үш күндік интенсивті семинар басталды. Семинарды Zhanibekov University Академиялық істер департаменті ұйымдастырды және оның негізгі мақсаты – заманауи білім беру трендтерін ескере отырып, оқытушылардың академиялық әлеуетін дамыту, студенттердің оқу жетістіктерін бағалау жүйесін жетілдіру, сондай-ақ цифрлық білім беру платформаларын тиімді қолдану дағдыларын арттыру болды.
Семинар аясында қатысушыларға Outcome-Based Education (OBE) қағидаттары бойынша оқу нәтижелерін бағалаудың жаңа тәсілдері ұсынылды. Атап айтқанда, студенттердің learning outcomes–на сәйкес бағалау критериилерін құру, formative және summative assessment құралдарын әзірлеу, authentic assessment негізінде тапсырмалар дайындау сынды мазмұнды бағыттар қамтылды. Бұл әдістер Bloom’s Taxonomy, Constructive Alignment және Criterion-Referenced Assessment сияқты әлемдік деңгейде танылған теориялық негіздерге сүйене отырып ұсынылды.
Сондай-ақ семинар барысында оқытушыларға EdTech құралдарын тиімді интеграциялау бойынша практикалық ұсыныстар берілді. Әсіресе, Coursera платформасының курстарын оқу бағдарламасына енгізу жолдары, blended learning форматында пайдаланудың тиімді әдістері, академиялық контентке Learning Management System (LMS) арқылы әдістемелік қолдау көрсету тәсілдері қарастырылды. Қатысушылар Coursera for Campus модулін пайдалану, білім алушыларды онлайн курстарға тарту және олардың нәтижелерін оқу бағдарламасына сәйкестендіру тәжірибелерімен танысты.
Сонымен қатар семинарда педагогикалық дизайн (Instructional Design), flipped classroom, microlearning, peer assessment, digital literacy, formative feedback сияқты ұғымдар кеңінен талқыланды. Бұл терминдер мен тәсілдер білім беру процесін дербестендіруге, студенттердің engagement деңгейін арттыруға, сондай-ақ академиялық нәтижелерді дәл әрі әділ бағалауға мүмкіндік береді.
Zhanibekov University оқытушыларына арналған бұл семинар кәсіби даму мен lifelong learning тұжырымдамаларының нақты көрінісі ретінде бағалануда. Мұндай іс-шаралар оқытушылардың білім беру технологияларындағы өзгерістерге бейімделуін қамтамасыз етіп қана қоймай, институционалдық сапаны арттыруға да серпін береді. Университет басшылығы оқытушылардың құзыреттілігін жүйелі түрде жетілдіру – сапалы білім берудің кепілі екенін атап өтті.
Аталған семинар оқытушылардың педагогикалық практикасында evidence-based әдістерді қолдануға, академиялық дербестікті нығайтуға және оқу процесіне инновациялық технологияларды енгізуге арналған тиімді платформа бола алды. Алдағы уақытта Zhanibekov University осындай кәсіби даму бағдарламаларын тұрақты түрде ұйымдастырып, жаһандық білім беру трендтерімен үндесетін академиялық орта қалыптастыруды жалғастырмақ.
