«Qalamaimyn» жобасының жүргізушісі Ұлдана Ерқасымқызы инстаграм парақшасында телевизия саласы турасындағы өз ойымен бөлісті, – деп хабарлайды Azatmedia.kz ақпараттық порталы.
Жас тележүргізуші өзі үшін мықтылардың оқырманы көптер емес телевизия саласында қызмет етіп жатқандар екенін жазады. Сонымен қатар халыққа айтары бар бағдарламаларды көрермендерге ұсынудың қиыншылығы турасындағы өз пікірімен де бөліскен.
Сонымен қатар ол тележүргізуші болудың өзі үлкен жетістік екеніне тоқталып: «Неге «үлкен»?! Өйткені мен білемін басқа бағдарламада 2 жыл отырып ардагер қатысушы атанған жандардың қазір сол бағдарламаның кухнясында шәй тасушы боп немесе қатысушыларға қарайтын күзеткер боп жүргенін» дейді.
Тележүргізушінің бұрынғы әріптестеріне деген реніші бар секілді. Себебі постта: «Мен білемін қазақтың инабатты қызы болып көрінгісі келетін жанның біздің аузымызға айтатын боқтық сөзімізді салып беріп, қаншама адамның қырылуына себепкер болып эфирде маған «тәрбие» жөнінде әңгіме айтып, «көтке кіруден» бірінші орын алатын қасиетінің арқасында жүргізуші болып отырғанын» деп жазады.
Желіні шулатқан посттан кейін оқырмандардың пікірі қақ бөлінді. Бірі оны қолдаса, енді бірі балағаттауда. Постта жазылған тележүргізушінің кім екенін топшылап жатқандар да жоқ емес.
