Түркістан облысы, Төлеби ауданының тумасы ардагерлер арасында самбодан әлем чемпионы Мәди Нәбиев саяси науқанда белсенділік танытып, референдум учаскесіне алғашқылардың бірі болып дауыс берді.
«Ел ертеңі үшін маңызды саяси науқанға қатысу баршамыздың міндетіміз деп білемін. Сондықтан да таңмен таласа тұрып, өзім тіркелген учаскеге алғашқылардың бірі болып келуге тырыстым. Өзге отандастарымды да саяси науқанға белсене қатысуға шақырамын» – деді әлем чемпионы.
Айта кетейік, Мәди Бәйділләұлы 2021 жылы Португалия елінің Лиссабон қаласында дзюдо күресінен 90 келі салмақта әлем чемпионы атанған. Сондай-ақ, 2017 жылы самбо күресінен әлем чемпионы болса, қазақ күресінен еліміздің бірнеше дүркін жеңімпазы атағын иемденген.
Түркістан облысының Өңірлік коммуникациялар қызметі
