Кентау қалалық ішкі саясат бөлімінің ұйымдастыруымен өткен кездесуге Кентау қалалық мәслихатының депутаты, №9 С. Қожанов атындағы жалпы білім беретін мектептің директоры Мұсаханова Ұлбала Ермаханқызы, сондай-ақ қала жастары, мұғалімдер мен тұрғындар қатысты.
Кездесудің мақсаты – әртүрлі этностар арасындағы ашық диалогқа жол ашу, бір-бірімізді жақынырақ танып-білу және ортақ құндылықтарды бөлісу.
– Бүгінгі таңда әр этностың тіліне, дініне, дәстүріне құрметпен қарау – біздің азаматтық парызымыз. Әр ұлттың мәдени мұрасы – ортақ байлығымыз. Осындай кездесулер халықтар арасындағы өзара түсіністік пен сенімді нығайтып, ел ішіндегі тұрақтылықты сақтауға ықпал етеді, – деді өз сөзінде Мұсаханова Ұлбала Ермаханқызы.
Кентау қалалық ішкі саясат бөлімі
Этносаралық татулықты нығайту мақсатында Кентау қалалық №24 Т. Рысқұлов атындағы жалпы орта мектебінде кездесу өтті
