ХАЛЫҚ САНЫ 2025 жылдың 1 қаңтарындағы мәлімет бойынша, Қазақстан халқының жалпы саны 20,2 миллион адамнан асты. Оның ішінде 12,7 миллионнан астамы қалаларда, ал 7,5 миллионнан көбі ауылдық жерлерде тұрады. ҮЙЛЕНУ МЕН АЖЫРАСУ 2024 жылы елде 123 мыңнан астам неке тіркелсе, 40 мыңнан аса жұп ажырасқан. Бұл көрсеткіштер қоғамдағы әлеуметтік үрдістердің тұрақтылығын аңғартады.
КӨШІ-ҚОН Өткен жылы Қазақстанға 29 948 адам көшіп келген, ал елден 12 784 адам кетіп қалған. Осылайша, көші-қон сальдосы (бұл елге көшіп келген адамдардың саны мен елден кеткен адамдардың санының арасындағы айырмашылық) 17 164 адам болды.
