Шымкент қаласындағы Т.Рыскулов көшесі бойында «Audi-80» маркалы көлікпен соқтығысқан «Mitsubishi Galant» автокөлігінің мас жүргізушісі құжаттарын көрсетуді өтінген полиция қызметкерін қағып, оны 3 шақырым жерге дейін ысырып тастады. Алайда, көлігінің капотында тәртіп сақшысы жатқан құқықбұзушыны патрульдік полиция полкінің қызметкерлері құрықтап, бірден медициналық куәландыруға жеткізген.
Полиция департаментінің ақпаратына сүйенсек, 31 жастағы құқықбұзушыға қатысты 380-бап 2-бөлімі (билік өкіліне қатысты күш қолдану) бойынша сотқа дейінгі тергеп-тексеру жүргізілуде. Сондай-ақ қылмыстық кодекстің 610-бап 1-бөлімі (көлiк құралдарын, жүктердi, жолдарды, жолдағы және басқа да құрылысжайлардың немесе өзге де мүлiктiң бүлінуіне алып келген, материалдық залал келтiрген көлiк құралдары жүргiзушiлерінiң жол жүрісі қағидаларын бұзу) бойынша әкімшілік хаттама толтырылды.
Ұсталған азамат Шымкент қаласының полиция департаментінің уақытша ұстау изоляторына қамалып, көлік айып тұрағына қойылды
Айта кетейік, полиция қызметкері ешқандай дене жарақатын алмаған.
