Azatmedia.kz. Алматыда қаруланған екі адам Kaspi.kz филиалына шабуыл жасады, – деп хабарлайды bairaq.kz сайты.
Тонау операциясы 18.00-ден кейін болған. Ол кезде бөлімде клиенттер болған жоқ. Белгісіз ер адамдар қарумен қорқытып, 2 миллион теңгені алып кеткен.
«Қызметкерлердің ешқайсысы зардап шеккен жоқ. Полиция оқиға орнына көп ұзамай келді», – дейді банк қызметкерлері.
Қаржы институтының күзет қызметі қылмыстың ашылуына көмектесу үшін құқық қорғау органдарымен бірігеді.
