Лос-Анджелестегі ондаған мың армяндар Әзірбайжанның Таулы Қарабаққа қарсы агрессиясын тоқтатуды талап етіп көшеге шықты, деп хабарлайды Azatmedia.kz.
Таулы Қарабақты қолдаудың белгісі ретінде және де Америка билігінің назарын Әзірбайжан мен Түркияның бейбіт тұрғындарға қарсы әрекеттеріне аудару мақсатында ауқымды шаралар ұйымдастырылды.
Таулы Қарабақты қолдауға арналған акциялар Лос-Анджелестегі Түркия консулдығы ғимаратының жанында өтті.
«Арцахтың жанындағы Лос-Анджелес армяндары», – деп Пашинян өзінің Facebook-тегі парақшасында жариялады.
Айта кетейік, бұл күндері Таулы Қарабақтағы қақтығысқа деген наразылықтар АҚШ-тың ғана емес, басқа да елдердің көптеген қалаларында өтіп жатыр.
