Дүние жүзінде Коронавирус пандемиясы жариялануына байланысты Партиямыздың лидері Нұрсұлтан Назарбаевтың пәрменімен елімізде қолға алынған «Bizbirgemiz» республикалық акциясы аясында 27 сәуірден мұқтаж отбасыларға көмек көрсетудің екінші кезеңі басталды.
Акцияның екінші кезеңі «Nur Otan» партиясы Келес аудандық филиалы тарапынан да бастау алды.
Бүгін «BIZBIRGEMIZ» республикалық акциясы аясында «Nur Otan» партиясы Келес аудандық филиалы Саяси Кеңесінің мүшесі, мүмкіндігі шектеулі азаматша, кәсіпкер, жаны жайсаң жомарт Ана Рүстемова Ұлбосын Қаржауқызы өзі төсек тартып жатса да жеке кәсіпкер ана азаматша Гүлбара Ешімбетова ханыммен бірлесіп Ораза айында ауызашар ретінде мұқтаж отбасыларға азық-түлік себетін дайындап, аудандағы кәсіпкерлерге «Ауыз ашар» челленджі бойынша үндеу тастады.
Аталған екі азаматшаның ұлдары Нұртілеу мен Алдияр есімді азаматтар Абай ауылы мен Біртілек және Қошқар ата ауылдық округтері аумағындағы мүмкіндігі шектеулі, көпбалалы және тұрмысы төмен 30 отбасына 300 мың теңгеге бірінші кезектегі азық-түлік себетін таратты.
Акцияның бірінші кезеңінде Рүстемова Ұлбосын Қаржауқызы бас болып кәсіпкер азаматшаларды ұйымдастырып аудан тұрғындарына 2000 дана тегін бетперде таратылған болатын.
Ниет қабыл болсын жанашыр Аналар!!!
