AzatMedia.kz. Келес АПБ-нің полиция қызметкерлері және Түркістан облысы ПД есірткі қылмыстарына қарсы күрес басқармасының жедел уәкілдерімен бірлесіп, есірткі сақтаған күдіктіні құрықтады.
Келес ауданы тұрғынының үйін тінту кезінде, полиция қызметкерлері оның ауласындағы сарайдан 74 дана сіріңке қорапшасы салынған пакетті тауып, тәркіледі. Айғақты зат ретінде алынған есірткі заты сараптама қорытындысына сәйкес салмағы 500 граммнан асатын «кептірілген марихуана» болып шықты.
Қазіргі уақытта аталған жайт ҚР ҚК-нің 296-бабының 4-бөлігі «өткізу мақсатынсыз есірткі, психотроптық заттарды, олардың аналогтарын заңсыз пайдалану» бойынша тіркеліп, сотқа дейінгі тергеу амалдары жүргізілуде.
