Кезекші сыныпта коронавирус жұқтырудың алғашқы жағдайы анықталды, – деп хабарлайды Azatmedia.kz ақпараттық порталы.
Шығыс Қазақстан облысы Парыгино аулында екінші сынып оқушысының COVID-19-ға тапсырған сынағы оң нәтиже көрсеткен. Бұл ақпаратты Денсаулық сақтау министрлігінің ресми өкілі Бағдат Қожахметов растады.
«14 қыркүйекте Шығыс Қазақстан облысының Алтай ауданы, Парыгино кентінде кезекші сынып оқушысынан коронавирус жұқтырудың алғашқы жағдайы анықталды. Баланың анасы – мұғалім. Бірінші күні дене қызуы 37 градус болды, вирустың барлық белгісі болды. ПТР талдауы оң нәтиже берді», – деді Кожахметов.
Қазіргі уақытта бала емделіп жатыр. Жағдайы – қанағаттанарлық. Баламен байланыста болған барлық адам тексеріледі.
