Қазақстандық әуе компаниялары рейстерін қалпына келтіретін елдер тізімі кеңейеді, – деп хабарлайды Azatmedia.kz ақпараттық порталы zakon.kz-ке сілтеме жасап.
Басылым мәліметінше, тізім бас мемлекеттік санитар дәрігердің және COVID-19 күресу жөніндегі ведомствоаралық комиссияның шешімдері негізінде бекітілген. 21 қыркүйектегі мәліметтер бойынша Беларусь, Германия, Египет (чартерлік рейстер), Қырғызстан, Нидерланды, БАӘ, Ресей, Түркия, Өзбекстан, Оңтүстік Корея сынды елдерге ұшу мүмкіндігі бар.
Украинаға тұрақты рейстер 28 қыркүйекке дейін тоқтатылады. Айта кету керек, елдердің әуе қатынасын қалпына келтіру туралы шешімге қарамастан, әуе компаниялары жұмысты іс жүзінде ұйымдастырушылық мәселелер шешілгеннен кейін, яғни, белгіленген күннен кешіге отырып бастауы мүмкін.
