Түлкісбас ауданында 9 мыңға жуық гүл көшеттері егілді, – деп хабарлайды AzatMedia.kz.
Әдеміліктің нышанына айналған гүлдерді отырғызатын маусымда Түлкібас ауданына қарасты барлық елді-мекендерде жаздық гүлдерді отырғызу жұмыстары қарқынды іске асуда.
Бүгінгі таңда аудан көлемінде әлеуметтік нысандарға, көше бойларына жалпы алғанда 8 700 түп гүл егіліп, түрлі түсті кілем секілді жайқалып тұр. Мамыр айына дейін аудан аумағындағы барлық елді мекен көшелеріне 90 мыңға жуық гүл көшеттерін отырғызу жоспарлануда.
Көктем мезгілінде жайнаған гүлдерге қарасаң, көзің тоймайды. Көшедегі шаңды басып, халыққа көтеріңкі көңіл-күй сыйлайтын бір жылдық және көпжылдық гүлдердің дені Раушан гүл, Түймедақ, Лалагүл, Райхан гүл, Питуния, Сәндігүл және т.б.
