Түркістан облысында да полицейлер тәртіпке бағынбаған тұрғынның әрекетінен зардап шекті, – деп хабарлайды AzatMedia.kz Қазақстан ұлттық арнасына сілтеме жасап.
Араққа сылқия тойған көлік жүргізушісі Жетісай қаласында талапқа бағынбай екі тәртіп сақшысын көлігімен қағып өткен. Онымен қоймай, құжаттарын тексеріп тұрған үшінші полицейді есігіне қыстырған күйі автокөлігімен сүйретіп әкеткен. Үш құқық қорғау қызметкері де жарақат алды. Медициналық сараптама кезінде тәртіп бұзған азаматтың спиртті ішімдіктен бөлек, есірткі шеккені де анықталды. Оның көлігі айыптұраққа қойылды. Ал өзі билік органының қызметкерлеріне бағынбағаны үшін абақтыға қамалды.
