Видеоблогер Ринат Кибраев Түркістан облысына барып, жергілікті полицейлердің «бассыздығы» туралы ролик түсірді. Видео YouTube-тегі LIFE KZ каналында жарияланды, – деп хабарлайды Azatmedia.kz ақпараттық порталы Tengrinews.kz сайтына сілтеме жасап.
Блогердің айтуынша, оған Денис Тен есімді жергілікті тұрғындардың бірі хабарласқан. Ер адамның айтуынша, құқық қорғау органдарының өкілдері заңға қайшы әрекеттер жасаған. Қоғам белсенділері осы мәселені анықтау үшін учаскелік пунктке келген.
«23 тамызда Түркістан қалалық полиция бөлімшесіне жеке кәсіпкер белгісіз біреудің оның жалға алған жерінің терезесіне бірнеше арматураны лақтырып, қашып кеткені туралы арызданған. Осылайша, ол әйнекті сындырып, жәбірленушіге 80 мың теңге көлемінде материалдық шығын келтірген. Осы арыз ҚР Әкімшілік құқық бұзушылық туралы кодекстің 434-бабы («Ұсақ бұзақылық») бойынша тіркеліп, әкімшілік хаттама толтырылды. Тәртіп сақшылары оқиғаның мән-жайын анықтап жатыр», – делінген полицейлердің хабарламасында.
