Еліміздегі Коронавирус пандемиясына байланысты төтенше жағдай енгізілу кезеңіндегі «BizBirgemiz» республикалық акциясы аясында «Nur Otan» партиясының Келес аудандық филиалының үйлестіруімен, акцияға үн қатқан «ӘУЕС» жауапкершілігі шектеулі серіктестігінің демеушілігімен аудан көлеміндегі аз қамтылған аса мұқтаж 75 отбасына 75 қап ұн және 1000 дана тегін бетперделер таратылды.
Сонымен қатар, базардағы біршама бағасы көтерілген ұн, картоп және пияз өнімдерінің бағасын тұрақтандыру мақсатында «Nur Otan» партиясының Келес аудандық филиалы және ауданнық кәсіпкерлік бөлімінің үйлестіруімен бірқатар жұмыстар атқарылды.
Бүгінгі күні аз қамтылған отбасыларды қолдау және ұн бағасын тұрақтандыру мақсатында аудан орталығы Абай ауылындағы «ӘУЕС» ЖШС-інің базар маңынан «Әлеуметтік дүкен» ашылып 1 қабының құны 6500 теңгеден әлеуметтік ұн сатылу жолға қойылса, кәсіпкерлерді ұйымдастырып базар маңына жүк көлігінде базардағы 1 килосы 130-140 теңгеден сатылымдағы картопты 80 теңгеден, ал 120-130 теңгелік пиязды 95 теңгеден сату ұйымдастырылды.
Елімізде төтенше жағдай енгізілген күннен бастап, «BizBirgemiz» республикалық акциясы аясында «Nur Otan» партиясының Түркістан облыстық филиалының ұйымдастыруымен аудандағы аудандағы көпбалалы, тұрмысы төмен аз қамтылған 137 отбасына, ал «Nur Otan» партиясының Келес аудандық филиалы мен Бастауыш партия ұйымдарының аудан және ауыл әкімдіктерімен үйлесімді жұмысының нәтижесінде демеушілердің есебінен осы санаттағы 177 отбасына азық-түлік, ұн және 6000-нан аса тегін бетперделер үлестіріліп қайырымдылық көмек көрсетілді.
