Ресейдің «Ростов» клубында өнер көрсететін жерлесіміз Бахтиер Зайнутдинов енді ЦСКА командасының намысын қорғайды.
Қазақстан құрамасының ойыншысы Бахтиер Зайнутдиновты сатып алу үшін ЦСКА мен «Ростов» келіссөздер жүргізіп, тараптар өзара келісімге келді. Зайнутдинов ЦСКА-мен 2024/2025 маусымға дейін келісімшарт жасасты.
Зайнутдинов «Ростовта» барлық турнирде 35 матч өткізіп, төрт голдың авторы атанды. Жартылай қорғаушының «Ростовпен»келісімшарты 2020 жылдың соңына дейін жасалған еді, ал оның трансферлік құны екі миллион еуроға бағаланады.
Айта кетейік, отандасымыз «Ростов» сапында 2019 жылдың басынан бері ойнап келеді. Биыл ол Ресей біріншілігінде 4 кездесуге қатысты. Ал өткен маусымда 17 ойында ойнап, төрт гол соғып, екі голдық пас берген.
