Түркістан облысында коронавирус инфекциясын жұқтырған азаматтар саны – 44-ке жетті, – деп хабарлайды AzatMedia.kz.
COVID-19 инфекциясы Жетісай ауданы Ынтымақ ауылдық округінің 1977 ж. тұрғынында расталды. Ол 4 сәуір күні қайтыс болған 1956 ж. Жетісай ауданының азаматымен жақын байланыста болған.
Қазіргі таңда облыс бойынша Жетісай ауданында – 15 адам тіркелген, оның ішінде 1956 ж азамат 4 сәуір күні қайтыс болған. Сондай-ақ, Кентауда – 5, Ордабасы – 2, Сайрам – 2, Мақтарал – 4, Арыс – 14, Сарыағаш – 1, Бәйдібек -1 тұрғыны індетке шалдыққан.
Барлық науқастардың жағдайы қанағаттанарлық, шағымы жоқ. Вирус жұқтырғандар қазіргі уақытта оқшауланып, тиісті ем қабылдауда.
Аталған азаматтармен байланыста болғандарды анықтап, оқшаулау жұмыстары жүргізілуде.
Түркістан облысы әкімінің баспасөз қызметі
