AzatMedia.kz. 2020 жылғы 15 наурыздағы №285 ҚР Президентінің Жарлығына сәйкес, коронавирус инфекциясының таралуына жол бермеу, алдын алу мақсатында блок-бекеттер орналастырылды.
Түркістан облысы Мақтаарал ауданы Атакент кентіне қойылған блок-бекетте қызметтiк мiндетiн атқарып тұрған полиция қызметкеріне жергілікті тұрғын мас халде келіп, полиция қызметкерінің тыйым салынған аумаққа кіруге болмайтындығы туралы ескертуіне құлақ аспаған. Аталған тұрғын тәртіп сақшысының заңды талабына бағынбай, көпшіліктің көзінше жария түрде, ар-намысына тиетін балағат сөздер айтып қорлаған және қызметтік міндетін атқарып тұрғанына қарамастан кеуде тұсынан қолымен ұрып-соғып, дене жарақатын салған.
«Аталған жайт, Мақтаарал АПБ СДТТБТ-не енгізіліп, ҚР ҚК-нің 380 бабы «Билік өкіліне қатысты күш қолдану» бойынша сотқа дейінгі тергеп-тексеру амалдары жүргізілуде. Тұрғын қамауға алынды» – делінген Түркістан облыстық полиция департаментінің хабарламасында.
көрнекілік фото: ғаламтордан
