AzatMedia.kz. Елімізде жарияланған төтенше жағдайға байланысты көптеген кәсіпорындар жабылып, жеке кәсіппен айналысатын біршама азаматтар табыссыз қалды.
Осыны ескерген Мемлекет басшысы Қ.Тоқаев дер кезінде үкіметке табыс көзісіз қалған тұрғындарға 42500 теңгеден әлеуметтік төлемді ұйымдастыруды тапсырған болатын.
Осыған орай, мемлекет тарапынан беріліп жатқан әлеуметтік төлемді алу үшін Түлкібас ауданының тұрғындарына «Жастар ресурстық орталығының» және «Мәдениет және тілдерді дамыту» бөлімінің мамандары қол ұшын созуда.
Базаға кіру жолы мен құжатты қалай толтыруды білмейтін тұрғындардың құжаттарын толтырып, тиісті базаға тіркеп беруде.
Осылайша «Еріктілер» жылында аудан әкімдігінің қызметкерлері ерікті істері үшін аудан тұрғындарының алғысын алуда.
