AzatMedia.kz. Бүгінде Жамбыл облысынан Түлкібас ауданына кіреберістегі «Шақпақ» бекетінде және тоғыз жолдың торабында орын тепкен Түлкібас вогзалында өңірімізге кірушілерді тексеру шаралары қатаң бақылауда.
Қазіргі таңда күре жолдың бойында ашылған арнайы бекеттерде 7 полиция, 34 медицина қызметкерлері тәулігіне 24 сағат арнайы құрылғымен азаматтардың дене қызуларын өлшеп, тексерістен өткізуде.
Соңғы мәліметке сәйкес, Шақпақ бекетінен 47120 жолаушы өтсе, Түлкібас ТЖ бекеті арқылы 1029 азамат тексерістен өтіп, өңірімізге кірген. Жолаушылар қатарында коронавирус дертін жұқтырғандар анықталмаған. Бұл бағыттағы шаралар алдағы уақытты жүйелі түрде жалғасады және аудан әкімдігінің қатаң бақылауында болады.
