ҚР Президенті Қасым-Жомарт Тоқаевтың ел аумағында COVID-19 коронавирусын пандемия деп тануына байланысты төтенше жағдай жарияланған болатын. Осыған орай, Келес ауданында да індеттің таралуына тосқауыл қою бойынша барлық шаралар қарастырылып, жұмыстар атқарылуда.
Осыған орай, бүгінгі таңда Келес ауданының әкімшілік шекарасына бекет қойылған. Жалпы ағымдағы жылдың 16-17 наурыз күндері Нұр-Сұлтан және Алматы қаласында оқитын, төтенше жағдайға байланысты үйіне келген студенттер 78-ді құрады. Сонымен қатар, 19 наурыз күні Алматы қаласынан Келес ауданына 150 азаматты тиеген 5 автобус келген болса, Жетісай, Мақтарал аудандарына келе жатқан 9 автобустан 45 азамат Келес ауданына келді. Нұр-Сұлтан қаласынан Келес ауданына автобус қатынамады. Медицина қызметкерлері тарапынан берілген мәлімет бойынша дене қызуы бар жолаушылар анықталмады.
