Мемлекет басшысы Қасым-Жомарт Тоқаевтың ұсынысымен Ерлан Қарин Қазақстан Республикасының Вице-Президенті лауазымына тағайындалды.
Дауыс беру қорытындысы бойынша Ерлан Қариннің Вице-Президент лауазымына кандидатурасын Құрылтай депутаттарының басым көпшілігі қолдады.
Мемлекет басшысы Вице-Президент лауазымы Қазақстан Республикасының Конституциясымен бекітілгенін және мемлекеттік басқару жүйесінде ерекше мәнге ие екенін атап өтті.
Қасым-Жомарт Тоқаев Ерлан Қариннің алдына бірқатар нақты міндет қойды. Атап айтқанда, Вице-Президентке Құрылтаймен, Үкіметпен және басқа да мемлекеттік органдармен өзара іс-қимыл барысында Мемлекет басшысының атынан өкілдік ету, сондай-ақ мемлекеттік саясаттың негізгі мәселелері бойынша Президенттің ұстанымын жеткізу тапсырылды.
Мемлекет басшысы Ерлан Қариннің кандидатурасын қолдағаны үшін Құрылтай депутаттарына ризашылығын білдірді.
