А.Бөкейханов атындағы жалпы орта білім беретін мектебінің зерттеу топтарының бірі — ІІ-зерттеу тобы 7 «А» сыныпта информатика пәні мұғалімі Б.Ш. Утепованың ұйымдастыруымен инновациялық Lesson Study әдісі негізінде сабақ өткізуді бастады. Бұл білім беру процесіндегі жаңа тәсіл — оқыту сапасын арттыруға бағытталған халықаралық педагогикалық практикаға негізделген жүйелі зерттеу және мониторингтің тиімді құралы болып табылады.
Lesson Study — бұл мұғалімдердің кәсіби дамуына арналған зерттеу моделі, мұнда сабақ жоспарлану кезеңінен бастап, оны өткізу, бақылау және талдау жұмыстары бірлесіп жүргізіледі. Мұндай әдістеме педагогтар мен білім алушылардың оқу нәтижелерін көпқырлы бағалауға, оқу стратегияларын жетілдіруге және оқушылардың білімді меңгеру деңгейін (А, В, С деңгейлері) нақты анықтауға мүмкіндік береді. Бұл әдістің басты мақсаты — білім алушылардың когнитивті, метакогнитивті және шығармашылық дағдыларын жүйелі түрде дамыту.
Сабақ барысында оқушылар белсенділік танытып, ақпараттық-коммуникациялық технологиялар арқылы алған білімдерін практикалық тұрғыда қолдану мүмкіндігіне ие болды. Сонымен қатар, оқу материалының мазмұны когнитивті деңгейлерге сәйкес құрылып, әрбір білім алушының өзіне тән оқыту жолына бейімделуіне жағдай жасалды.
Lesson Study аясындағы мұндай зерттеу жұмыстары білім беру сапасын арттырып қана қоймай, оқушылардың сыни ойлау, мәселені шешу және топтық ынтымақтастық дағдыларын жетілдіруге ықпал етеді. Бұл үрдіс оқытудағы инклюзивтілік пен жеке білім беру траекторияларын қалыптастыруға мүмкіндік туғызып, қазіргі заманғы білім беру талаптарына сәйкес келеді.
Осылайша, А.Бөкейханов атындағы мектепте жүргізіліп жатқан зерттеу жұмыстары оқытудың тиімділігін арттыру мен педагогикалық инновацияларды енгізу бағытындағы маңызды қадам болып табылады. Мұғалімдер қауымы Lesson Study әдісін қолдана отырып, оқу үдерісінің аналитикалық бағалауын жүзеге асырып, білім алушылардың академиялық көрсеткіштерін арттыруға ұмтылады.
Алдағы уақытта осындай зерттеу жобалары кеңейіп, басқа пәндер мен сыныптарда да қолданыс тауып, білім беру жүйесінде халықаралық деңгейдегі сапалы реформалардың іске асуына септігін тигізетініне сенім мол.
Бұл жұмыстың басты мақсаты – оқушылардың информатикаға деген қызығушылығын арттырып, Lesson Study әдісі бойынша А, В, С деңгейлерін анықтау.
