Түркістан облысында шалғай елді мекендерде «Заң мен Тәртіп» қағидасын насихаттау, сондай-ақ қаржылық пирамидалар мен дроп қызметінің алдын алу мақсатында форум өтті.
Іс-шараны Түркістан облысы бойынша Экономикалық тергеп-тексеру департаментінің ұйымдастыруымен өткен форумға білім беру мекемелерінің жетекшілері, қоғамдық ұйымдар мен жастар мен тұрғындар қатысты.
Форумның негізгі мақсаты – шалғай ауыл тұрғындары арасында құқықтық мәдениетті арттыру, заңға бағыну қағидатын кеңінен түсіндіру, сондай-ақ қаржылық пирамидалар мен дроп қызметінің қауіптілігі туралы халықты ақпараттандыру болды.
Шарада азаматтарды қаржы пирамидаларының залалынан қорғау жолдары, дроп қызметін пайдаланудың қылмыстық-құқықтық салдары нақты мысалдар арқылы түсіндірілді. Сонымен қатар, пікірталас алаңы ұйымдастырылып, қатысушылар өз ойларын білдіріп, мамандардан сұрақтарына жауап алды.
Түркістан облысы бойынша Экономикалық тергеп-тексеру департаменті алдағы уақытта да шалғай елді мекендерде құқықтық сауаттылықты арттыруға, көлеңкелі экономиканың алдын алуға бағытталған іс-шараларды жүйелі түрде жалғастыратын болады
