«Nur Otan» партиясы Төлеби аудандық филиалының қоғамдық қабылдау бөлмесінің жұмыс жоспарына сәйкес Төлеби ауданының әкімі, «Nur Otan» партиясы Төлеби аудандық филиалының төрағасы Бауыржан Омарбеков Қаратөбе және Тасарық ауылдық округтерінде көшпелі қоғамдық қабылдау өткізді. Қабылдауға келген қаратөбелік тұрғындар орталық көшелердің жарықтануы, жол аяқ салу, полиция мен мал дәрігерінің қызметі, елді мекенді абаттандыру, табиғи газ құбырын тарту, электр бағаналарының тозуы, интернет мәселесі, Қостөбе елді мекеніндегі көпір құрылысы бойынша шағымдарын айтты.
Ал, Тасарық ауылдық округінің тұрғындары болса оқушылар тасымалы, Таш каналының қазіргі жағдайы, жол кедергісін орнату, табиғи газ мәселесі туралы өтініштерін білдірді. Аудан әкімі көтерілген мәселелерді назарға алып, талап-өтініштердің тиісті шешімін табатынын жеткізді.
Көшпелі қоғамдық қабылдаудың мақсаты шалғайдағы елді-мекендерде қабылдау ұйымдастырып, жергілікті жерлерде ел тұрғындарының мұң-мұқтажына құлақ асып, олардың көкейде жүрген өтініштерін тыңдап, шешімін таппаған мәселелердің оң шешілуіне ықпал етті.
