Шымкент қаласындағы «Мұз сарайында» шорт-тректен үлкен және орта жасөспірімдер арасында ҚР чемпионаты басталды. Жарысқа еліміздің 12 өңірінен, жалпы 200-ге жуық спортшы қатысып жатыр.Қалалық дене шынықтыру және спорт басқармасының бөлім басшысы Шоқан Әбдіхалықов, шорт-тректен ҚР мемлекеттік жаттықтырушысы Азамат Әлиев жарыстың ашылу рәсімінде спортшыларға сәттілік тіледі.Мемлекеттік жаттықтырушы А.Әлиев жылдан жылға қатысушылар саны және спортшылардың шеберліктері артып келе жатқанын атап өтті. Осы жарыста жеңімпаз және жүлдегер болғандар ұлттық құрамаға еніп, олар алдағы уақытта халықаралық жарыстарға қатысады.Шорт-трек спорты Шымкент қаласында қарқынды дамып келеді. Аз уақыт ішінде ұлттық құрамаға енген спортшылар жеткілікті. ҚР чемпионатында қаладан 15 спортшы бақ сынайды. Айта кетсек, аталған жарыс төрт күнге созылады.
ШОРТ-ТРЕКТЕН ҚР ЧЕМПИОНАТЫ БАСТАЛДЫ
