20 баладан ұрпақ өрбітуді ұсынған танымал журналист әлеуметтік желіде әйелдер қауымын шулатты, – деп хабарлайды Kazus.kz ақпаратты порталы.
Мұхамеджан Тазабековтың экс-әріптесі, «Асыл арнаның» бұрынғы журналисі Ардақ Байғабыл әлеуметтік желіде бейнежазба түсіріп, онда Қазақстанның демографиясын қалай көтеру керегін айтып, арнайы есеп арқылы түсіндірді.
Оның айтуынша бір еркек басына 4 әйелден тиетін болса, әр әйелден 5 бала дүниеге әкелген жағдайда төрт буын өткеннен соң, яғни 72 жылдан кейін қазақ халқының саны 6 млрд-тан асатындығын есеппен жеткізді.
Ал, әлеуметтік желіде бұл бейнежазбаға пікір білдірген әйелдер «оларды өсіріп, оқытып, үй-жай етуді керек қой», «Ардақ сен сандырақтап кеттің», «Алдымен өзіңіз практикадан өтіп барып айтпайсыз ба?» сынды пікірлер білдіруде.
