Жаңа iPhone 12 смартфондарына кезекте тұрған орындар онлайн-сервистерде сатыла бастады, – деп хабарлайды Azatmedia.kz ақпараттық порталы РИА Новости сайтына сілтеме жасап.
Басылым мәліметінше, ресейлік тұрғындар Apple компаниясының таныстырылымынан кейін жоғарыда аталған қызметті ұсынатын хабарландырулар жариялана бастаған. Ол бойынша, адамдар смартфонның ресми сатылымы басталуына бірнеше күн қалғаннан бастап кезекке тұруды ұсынады. Бұл қызметтің бағасы – 75 мың рубль (387 800 теңге).
Айта кету керек, ресейліктер жаңа смартфонның iPhone 12 және 12 Pro модельдерін 23 қазаннан, ал iPhone 12 mini және 12 Pro Max модельдерін 13 қарашадан бастап сатып ала алады.
