Ұлттық қордың валюталық активтері айдың қорытындысы бойынша 1,4 миллиард долларға төмендеп, 57,3 миллиард болды, – деп хабарлайды Azatmedia.kz ақпараттық порталы Қазақстан Ұлттық банкінің ресми сайтына сілтеме жасап.
Бұл туралы Ұлттық банк төрағасының орыбасары Әлия Молдабекова мәлімдеді. Ұлттық қор мөлшерінің төмендеу себебінің бірі – Қыркүйекте 230 миллиард теңге сомада бюджетке кепілді трансферттерді бөлу бойынша міндеттемелерді орындау үшін Ұлттық қордың валюталық активтерін шамамен $551 миллион сомада сату.
Бұдан бөлек, мұнайдың салыстырмалы түрде төмен бағасының сақталуынан қорға небәрі 43 миллион доллар ғана түсім болған.
«Ұлттық қордың инвестициялық кірісі қыркүйекте теріс болды және (-)$850 млн құрады. Қордың жалпы инвестициялық кірісі жыл басынан бастап оң болып қала береді және шамамен
$1,5 млрд құрайды» деп атап өтті Әлия Молдабекова.
