Алматы облысы, Ұйғыр ауданында салынып жатқан спорт кешені опырылып қалды, – деп хабарлайды Azatmedia.kz ақпараттық порталы.
Шонжы ауылында салынып жатқан құрылыстың опырылып қалған суреті әлеуметтік желілерде кеңінен тарап жатыр. Оның неден құлағанын арнайы комиссия анықтайды. Спорт кешенінің құрылысы «Ауыл – ел бесігі» бағдарламасы аясында 2019 жылдың қараша айында басталған.
«2021 жылдың қаңтар айында аяқталуы керек. Нысанның құлауына байланысты арнайы комиссия келіп тексеріс жұмыстарын жүргізіп жатыр. Комиссия қорытындысына сәйкес аталған олқылықтар қалпына келтіріледі», – деп хабарлады Ұйғыр ауданы әкімінің баспасөз қызметінен.
Айта кету керек, жоба құрылысына 1,171 миллиард теңге бөлінген.
