Шведтік диетолог Кристина Андерсон адам ағзасына пайдалы ең арзан тағам түрлерін атап айтты, – деп хабарлайды Azatmedia.kz ақпараттық порталы.
Бұл туралы жергілікті Svenska Dagbladet басылымында жазылды. Андерсонның пікірінше, ең пайдалы көкөніс – пияз. Ол адам ағзасына пайдалы дәрумендерге, микроэлементтер мен антиоксиданттарға бай.
Диетолог екінші орынға орамжапырақты қойды. Дегенмен асқазаны ауыратын жандар оны шикідей тұтынбағаны абзал.
Сонымен қатар Андерсон қызылша мен сәбізді жиі жеуге кеңес береді. Бұдан бөлек, дәнді дақылдар да адам ағзасына пайдалы. Олар адам бойындағы қанттың мөлшерін реттеп, зат алмасу үдерісін жақсартады екен.
