Түнгі төбелес кезінде 18 жасқа енді толған атыраулық спортшы, грэпплингтен Азия чемпионы Есенбек Сиғуатов көз жұмды. Ол жүрегінен оқ жарақатын алып, оқиға орнында жан тапсырған
Қайғылы оқиға 9 тамызға қараған түні қала маңындағы Дамба және Құрманғазы ауылдарының жігіттері арасындағы төбелес кезінде болған.
Атырау облысының полиция департаменті әзірге ешқандай түсініктеме берген жоқ. Қылмыскердің ұсталған-ұсталмағаны да белгісіз. Ал жергілікті тұрғындардың айтуынша, келесі күні Дамбада полиция рейд жүргізген.
Ол грэпплингтен жасөспірімдер арасында алғашқы әлем чемпионы болды. Турнир 2018 жылдың қыркүйегінде Елордада өтті, Есенбек 46 килограмға дейінгі салмақ дәрежесінде сынға түсіп чемпион атанған
