ДӘРІ-ДӘРМЕК БАҒАСЫН БІРГЕ БАҚЫЛАЙЫҚ!

Шымкент қаласында коронавирус індеті салдарынан карантиндік шаралары күшейтілгені бәрімізге белгілі. Алайда тұрғындардың қауіпсіздікті дұрыс сақамауынан болар ауру қаламызда күшіне мінгендей. Індеттің саны көбейген сайын дәрі-дәрмектің тапшылығы байқалып, халық арасында кейбір дәрілерге сұраныс артып, дәріханалардың алдында адамдар кезек күтіп тұруға мәжбүр.

Бүгін қала әкімінің тікелей тапсырмасымен және НұрОтан партиясының Шымкент қаласы филиалы төрағасының бірінші орынбасары Б.Нарымбетовпен және БАҚ өкілдерінің қатысуымен бірге бірқатар дәріханаларды аралап көріп шықтық. Айта кетерлігі бұл саланы бақылайтын мамандарды күтіп, келмеген соң өзіміз аралауға шыққан едік.

Пандемияға қарсы бар білетін дәрілерімізді тізбектеп кезек-кезек сұрап жатырмыз. Әрине дәрі жетіспеушілігі бар екені көрініп тұр. Қаланың орталығында орналасқан төрт дәріханаға кірсек, соның біреуінде ғана халықтың көп сұранысына ие парацетамол дәрісін таптық. Тұрғындардың сұрап жатқан дәрі-дәрмектерінің басым бөлігі ыстықты басуға арналған екенін дәріхана қызметкерлері айтып отыр.

Журналистерге берген интервью барысында «NurOtan партиясының Шымкент қаласы филиалы төрағасының бірінші орынбасары Бахадыр Нарымбетов: «Әлеуметтік желіде жазып жатқан азаматтарға да бірге шығайық деп ұсыныс тастадым, әлде де бізде қоғамдық белсенділік төмен. Бір адам, немесе әкімдік бұның барлығын қадағаламайды. Осының барлығы жеке бизнес. Егер сіздер дәрі-дәрмек алдыңыз ба, бағасы қымбат болса чегін сақтап қойып, бізге немесе Фарм контрольге айтатын болсаңыздар, Сол кісіге, сол фирмаға, сол дәріханаға шара көруге әбден мүмкіндік бар!

Алдағы уақытта мұндай рейдтік іс-шаралар партиялық бақылау комиссиясы мүшелері тарапынан қала аумағында жалғасын табады»-деді.
Әрине егер дәріхана иелері дәрі тапшылығын қолдан жасап бағаны көтеріп отырса ел болып осы саланы бақылайтындарға көмектесейік. Мемлекеттің ең бірінші байлығы, халықтың саулығы. Ауырмауға, көп қыдырмауға қауіпсіздікті сақтап жүруге шақырамын. Аман болыңыздар.