AzatMedia. Бүгінгі таңда елімізді алаңдатып отырған коронавирус індетінің алдын алу бойынша Түлкібас ауданында тұрғындарға түсіндіру жұмыстары жүргізілуде.
Атап айтар болсақ, Түлкібас ауданының әкімі Н.Байғұттың тапсырмасына сәйкес аудан әкімдігі жанынан құрылған 3 мобильдік топ облыстық бас санитарлық дәрігерінің соңғы №25 қаулысындағы шектеулерді аудан аумағында іске асыру мақсатында түсіндіру жұмыстарын жалғастыруда.
Нәтижесінде 3 жұмысшы топ аудан аумағын 5 ауылдық округ, кенттен үш бөлікке бөліп, қаулыда көрсетілген шектеулерді кеңінен түсіндіруде. Түсіндіру жұмыстары барысында сауда орындары мен демалыс аймақтарының иелеріне және басқа да кәсіпкерлік нысан өкілдеріне бас санитар қаулысының көшірмелерін таратуда. Сондай-ақ, қоғамдық орындар мен көшелерде түсіндіру жұмыстары қосымша дыбыс ұлғайтқыш құрылғылары арқылы іске асуда.
Осы орайда, аудан тұрғындарынан қауіптің алдын алу мақсатында, өз жақындарыңыз бен туыстарыңыздың өміріне қауіп төндірмей, барлық талаптарды сақтануға шақырамыз.
Өйткені вирусты инфекцияға шалдыққан адамдардың санының одан әрі артуы немесе артпауы сіз бен бізге байланысты.
