Келес ауданында «Ауыл – ел бесігі» бағдарламасы аясында биылғы жылы 17 нысан жөндеуден өтеді. Оның 16-сы көше болса, қалаған біреуі мектеп ғимараты. Аталған он алты көшенің 12-сі Ақтөбе ауылдық округінде болса, қалған төртеуі аудан орталығы Абай ауылындағы Құрылыс, Оңтүстік, Әзімбай ата және Т.Рысқұлов көшесі. Абай ауылында биылғы жылы аталған бағдарлама аясында 8,62 км жол жөнделеді. Құрылыс тек жол жөндеу жұмыстарымен шектелмей, көше бойларын абаттандыру, яғни көше жиегіне жарық шамдар, суағар, аяжолдар салынып, көркейтіледі. Құрылыс жұсытары ағымдағы жылдың маусым айында бастау алды. Аяқталу мерзімі 3 айды құрайды.
Өткен жылы аталған бағдарлама аясында 25 нысан жөндеуден өткен еді. Оның 23 көше болса, 2 нысан мәдениет және спорт алаңы жаңартылған-ды. Мақсат – ауылды көркейтіп, абаттандырып, тұрғындар үшін қолайлы жағдай жасау.
