«Таза Қазақстан» акциясы аясында «Әділет» партиясының жастар штабы өңір аумағында сайлауалды науқан барысында орналастырылған үгіт-насихат материалдарын алып, олардың іздерін тазалауға кірісті.
Жұмыс барысында қоғамдық орындармен қатар, кәсіпкерлік нысандарға да ерекше назар аударылуда. Бизнес субъектілерінің қалыпты жұмысына кедергі келтірмеу мақсатында ғимараттардың әйнектерінде қалған желім іздері арнайы құралдардың көмегімен мұқият тазартылуда.
Жастар штабының бұл бастамасы сайлауалды науқаннан кейін қоғамдық кеңістіктердің тазалығын қалпына келтіруге, кәсіпкерлік нысандарға ұқыпты қарауға және қоршаған ортаны қорғау мәдениетін қалыптастыруға бағытталған.
«Таза Қазақстан» акциясы аясындағы жұмыстар Түркістан облысының қала, аудан және елді мекендерінде жалғасатын болады.
Тазалық – ортақ жауапкершілік. Қоғамдық кеңістікті таза ұстау – әрқайсымыздың міндетіміз.
