Жаңалықтар Қоғам

ҚАЗЫҒҰРТТА ҰЛТТЫҚ ДОМБЫРА КҮНІНЕ ОРАЙ МЕРЕКЕЛІК ІС-ШАРА ҰЙЫМДАСТЫРЫЛДЫ

Ұлттық домбыра күніне орай Қазығұрт ауданы әкімдігі мен «Әділет» партиясы жастарының ұйымдастыруымен Қазығұрт асуындағы «Нұх пайғамбар кемесі» мемориалдық кешенінде ауқымды мерекелік іс-шара өтті.

Ұлттық өнерді ұлықтауға арналған шараға 100-ге жуық жас өнерпаз қатысып, көрермендерге күмбірлеген күйлер мен ұлттық билерден тағылымды концерттік бағдарлама ұсынды. Мерекелік кешке аудан тұрғындары мен қонақтары қатысып, қазақтың төл өнеріне құрмет көрсетті.

Іс-шараның ең әсерлі сәттерінің бірі – жас домбырашылардың бір мезетте күй орындауы болды. Бірнеше домбыраның үні қатар шырқалған ерекше көрініс көпшіліктің ыстық ықыласына бөленіп, ұлттық өнердің өміршеңдігін айшықтады.

Шараның басты мақсаты – домбыраның ұлттық мәдениетіміздегі айрықша орнын дәріптеу, жас ұрпақтың бойында ұлттық құндылықтарға деген құрмет пен сүйіспеншілікті қалыптастыру, қазақтың бай рухани мұрасын кеңінен насихаттау.

Ұйымдастырушылардың айтуынша, мұндай мәдени іс-шаралар ұлттық өнерді дәріптеумен қатар, жастардың тарихи-мәдени мұраға деген қызығушылығын арттырып, елдік құндылықтарды насихаттауға ықпал етеді.

Қатысты жаңалықтар

ЖАСТАР САЯСАТЫ БАСҚАРМАСЫНЫҢ БАСШЫСЫ ТАҒАЙЫНДАЛДЫ

bastynews

ТҮРКІСТАН ҚАЛАСЫНДА 512 ОТБАСЫ БАСПАНАЛЫ БОЛДЫ

bastynews

Шымкентте жастар арасында экстремизм мен терроризмнің алдын алу бағытында кездесу өтті

bastynews