Келес ауданының орталығы Абай ауылынан өтетін Республикалық А-15 автожолында үлкен кептелістің орын алғанынан хабардарсыздар. Сол мәселені шешу үшін көптеген шаралар іске асырылды. Бүгінгі таңда аталған мәселені шешу үшін Абай ауылының Т.Рысқұлов көшесін Республикалық маңызы бар А-15 автожолына шығару жұмыстары жанданды. Құрылыс басына барған аудан әкімі Ақментай Есбаев жол құрылысы бойынша келтіріліп жатқан кедергілер, атап айтқанда газ құрылғысын басқа жерге жылжыту, жолдың бағытын жүргіншілер үшін ыңғайлы тарапқа ауыстыру бойынша тиісті мамандарға тыңғылықты тапсырмалар берді. Жол құрылысы ағымдағы жылдың мамыр айында басталып, 3 ай көлемінде тапсырылуы тиіс. Жолдың ұзындығы 1 шақырым 220 метрді құрайды. Жол құрылысын жүргізіп жатқан мердігер Іnternational Сonstruction Group жауапкершілігі шектеулі серіктестігі.
Санатталмаған
